მხარდაჭერა სკოლასა და საბავშვო ბაღში მიზნად ისახავს ბავშვის უსაფრთხო, კომფორტულ და სრულფასოვან ჩართულობას სასწავლო და სოციალურ გარემოში. ჩვენ ვმუშაობთ ბავშვთან, ოჯახთან და საგანმანათლებლო დაწესებულებასთან მჭიდრო თანამშრომლობით, რათა სმენის სირთულის მქონე ბავშვის ინდივიდუალური საჭიროებები სრულად იყოს გათვალისწინებული სასწავლო პროცესში.

მხარდაჭერა მოიცავს სასწავლო/სააღმზრდელო დაწესებულებაში ვიზიტს, რეკომენდაციების მომზადებას პედაგოგებისა და აღმზრდელებისთვის, სმენითი ტექნოლოგიების ეფექტიან გამოყენებაზე კონსულტირებას, გარემოს ადაპტაციაში მხარდაჭერას და შესაბამისი კომუნიკაციური სტრატეგიების შერჩევას. ჩვენი მიზანია ხელი შევუწყოთ ბავშვის განვითარებას, დამოუკიდებლობასა და თანატოლებთან სრულფასოვან ურთიერთობას.