ჩვენი პედიატრიული რეაბილიტაცია ეფუძნება Auditory-Verbal Therapy (AVT) მიდგომას — მტკიცებულებაზე დაფუძნებულ მეთოდს, რომლის მიზანია ბავშვის სმენის მაქსიმალური გამოყენება მეტყველებისა და ენის განვითარებისათვის. რეაბილიტაციის პროცესი იწყება ადრეული ჩარევით და მიმდინარეობს ბავშვის განვითარების ეტაპების, ინდივიდუალური საჭიროებებისა და ოჯახის კონტექსტის გათვალისწინებით.

AVT-ის ფარგლებში მუშაობა აგებულია თამაშზე, ყოველდღიურ სიტუაციებსა და ბუნებრივ კომუნიკაციაზე. თერაპიის ცენტრალური ფიგურა ოჯახია — მშობლები აქტიურად არიან ჩართულნი პროცესში და სწავლობენ და იყენებენ პრაქტიკულ სტრატეგიებს, რომ ბავშვის სმენა, მეტყველება და ენა განავითარონ ყოველდღიურ ცხოვრებაში, არა მხოლოდ თერაპიის დროს.
ჩვენი გუნდი უზრუნველყოფს ინდივიდუალურად დაგეგმილ რეაბილიტაციას, რომელიც მოიცავს სმენითი უნარების განვითარებას, მეტყველებისა და ენის მხარდაჭერას, ასევე სმენითი ტექნოლოგიების (სმენის აპარატები, კოხლეარული იმპლანტი) ეფექტიან გამოყენებას. რეაბილიტაცია არის უწყვეტი პროცესი, რომელიც თან ახლავს ბავშვს სხვადასხვა განვითარების ეტაპზე და ადაპტირდება მის ცვლილებებთან ერთად.